عبارات وخواطر

لما حد يحكيلك مُشكلة بيمُر بيها لازم تبدأ أولًا بمرحلة الدعم النفسي؛ ما تقلقش، أنا معاك، خير إن شاء الله. ثم بعد كدا تبدأ تقدم حلول لمُشكلته عشان يقدر يتخطاها، وعرض الحلول يكون بإسلوب الـShare اللي هو؛ هنعمل كذا، في حل كويّس مُمكن نجربه، أعتقد لو قدرنا نعمل كذا هيبقى أفضل. وإيّاك والقسوة واللوم والجُمل اللي من نوعية مش أنا حذرتك، ما أنا قولتلك، أدي أخرة العِند.. اِشرب بقى! الكلام دا ما بيرممش قلوب دا بيفتتها، حذاري يجيلك شخص مكسور وتكمّل عليه، رُبما تكون إنتَ آخر ما لديه من أمل.. فرفقًا بالقلوب ورفقًا بمن لم يرحمهم الزمن.